Genesis 48
Manasseh le Ephraim
1Tua zawh a sawt loin Joseph kiangah, “Na pa a ci na hi,” ci-in kiko hi. Tua ciangin amah in a tapa nihte Manasseh le Ephraim tonpih hi. 2Jacob kiangah, “Na tapa Joseph nang kiang hong tung zo hi,” ci-a a kigen ciangin Israel kithakhauhsak kika, lupna tungah a tu hi. a 3 Jacob in Joseph tungah, “Canaan gam Luz ah a Thahat ▼▼48.3 Hebrew ah El-shaddai
Pasian kei tungah hong kilanga, tua lai-ah kei thupha hong pia-in, 4‘Nang kong ciphasak dinga, tampi-in kong khangsak ding hi. Mi hon khat kong suaksak dinga, hih leitang nang nunga na suan-le-khakte in a neih tawntung dingun ka pia ding hi,” hong ci hi. c 5 Tua ahi ciangin hih lai nang kianga kong pai ma-a Egypt a na neih na tapate gel kei aa in kisim ding hi; Reuben le Simeon kei aa ahi bang tektekin Ephraim le Manasseh kei aa suak ding uh hi. 6Nang sung pana amaute nunga suak tate nang aa ahi ding hi; amaute luah ding gam tawh kisai a sanggamte’ min banah kizom ding hi. 7Paddan ▼▼48.7 Tua pen Mesopotamia Sak-nitumna
pana ka ciah kik laitak, Ephrath tun madiakin Canaan gam lamkal-ah ka dah nadingin Rachel a si hi. Tua ciangin Ephrath (tua pen Bethlehem) zuatna lam gei-ah amah ka vui hi,” ci hi. 8 Israel in Joseph’ tapate a muh ciangin, “Hihte kua hiam?” ci-in dong hi. 9 Joseph in a pa kiangah, “Pasian in hih lai-a kei hong piak tapate ahi hi,” ci hi. e Tua ciangin Israel in, “Amaute thupha ka piak theih nadingin ka kiangah hong paipih dih in,” ci hi. f 10 Tu-in a khanghamna hangin Israel mitte manga khua a mu nawn kei hi. Tua ciangin Joseph in a tapate a kiangah nehsak-a, a pa in amaute namin kawi hi. 11 Israel in Joseph kiangah, “Na maitang mu kik dingin ka kilamen ngei peuhmah kei hi; ahi zongin tu-in Pasian in na tate zong hong musak hi,” ci hi. 12 Tua ciangin Joseph in amaute Israel khuk tung panin lakhia a, leilam nga-in a kunsuk hi. 13Tua ciangin amaute gel la a, Ephraim’ khut taklam Israel ‘khut veilamah, Manasseh’ khut veilam Israel’ khut taklamah kai-in ama kiang a naihsak hi. 14Ahi hangin Israel in a khut kipaihpehsaka, a ziatlam khut zanin Ephraim a nauzaw ahi hangin a lutungah nga-a, a veilam khut zanin a uzaw ahi hangin Manasseh’ lutungah nga hi. g 15 Tua ciangin amah in Joseph thupha pia a, h “Ka pa Abraham le Isaac,a mai-a a paina Pasian,
tu-ni donga ka nuntak sungteng
hong cing Pasian. i
16 Siatna khempeuh pana kei hong hu Vansawltak aw,
- hih pasalnote thupha pia in;
amaute, kei min le
ka pate Abraham le Isaac minin kilosak inla,
leitungah amaute
nakpi-in khangsak in,” ci hi.
17 Joseph in, a pa in a khut ziatlam Ephraim’ lutungah a koih lam a muh ciangin a lungkim kei hi; tua ciangin a pa’ khut, Ephraim’ lu panin Manasseh’ lu-ah koih dingin len hi. 18Joseph in ama kiangah, “Pa aw hi lo hi, hih pen ka ta upa ahi hi; na khut ziatlam ama lutungah nga in,” ci hi. j 19 Ahi hangin a pa in niala, “Ka thei hi, ka ta aw ka thei hi. Amah zong minam khat suak dinga, amah zong a lian ding hi. Ahi zongin amah sangin a naupa lianzaw dinga, ama suan-le-khakte minam hon khat a suak ding uh hi,” ci hi. 20Tua ni-in amah in amaute thupha pia a, “Israel-te thupha a kipiak uh ciangin na ▼
▼48.20 Hebrew ah khat cihna
min uh lo uh henla:‘Ephraim le Manasseh’ bangin Pasian in note hong bawl hen,’ kici uh hen,” a ci hi. l
Tua ahi ciangin Manasseh sangin Ephraim a masak zaw hi. 21 Tua ciangin Israel in Joseph kiangah, “Kei a si ding ka hi ta hi, ahi hangin nang ▼
▼48.21 Hebrew ah atam genna
tawh Pasian omkhawm dinga na ▼▼48.21 Hebrew ah atam genna
pate’ gamah nang ▼▼48.21 Hebrew ah atam genna
hong puak kik ding hi. 22Tua ciangin nang adingin, na sanggamte aa sangin a thupizaw dingin ▼▼48.22 Ahikeh Tua ciangin nang tungah na sanggamte aa sangin seh khatin kong hamphat zaw hi.
ka namsau le ka thaltang tawh Amor mite tung pana ka laksa leitang pangtuak kong pia hi,” a ci hi. q
Copyright information for
ZomZIV